من شێر بۊم شێرێگ چۊن گەوراێ ئێران
بان دەس نێاشتم لە ناو گیشت شێران
دنیا وەکامم ،کەس فزە نەکرد
ئەوەیش بتواساد هە زۊ وە زۊ مرد
رووژ هات و رووژ چێ ،من هەر گەورا بۊم
ئەڕای غەێر خوەم خاس چۊن برا بۊم!
بێگانە پەرەس ،نەوکەری کردم
هەر کەس هەرچێ داشت ،مەڕا خوەم بردم
خاکم فروشام ،دامەی بێگانە
بۊە خاكڵە مۊشان ئێ جی شێرانە!
شاە و شەیخ هاتن لە ماڵم بڕین
وە نک و نامەی ،خاس قنگم دڕین!!
م هە بۊمە پەن ،جوور رووی کەفتێ
داێم نەخوەش و لە سۊکێ خەفتێ
سە رووی خاسە ،پشی بەێبەختی
وەپیمیش ئۊشن ت هە گیان سەختی!
دۊم بڕیاێە ،قوڕەی زگم تێ
رەنگ لە رۊم نەمەن ،ئاولۊتم چکێ
جوور موئتاد کەفتێ بێ سیخ و سنجاخ
هە کۊنی ئەڕام بوودن وە وجاخ!
شێرەگەێ جاران خومارو خەفتێ
هە تڕ گیر نییەم ،وە کووسْ کەفتێ
شمشێرگ داشتم ،داێم لە دەس بۊ
وە ڕیانْ ''شاە'' ،دی ئەڕام بەس بۊ
لە غڵاف دەر نات ،شمشێر دڕم
یەسە مێز گیرنییەم ،شیڕەم تیەێ تڕم!
شێری شیران بۊم یە چە وەپیم هات
هەم بۊمە چەقەڵ ،هەم واتەێ بسات
ئمڕو هەرکەسێگ خاترم تواێد
مەنەن وە کۊنێ هە زۊ وە زۊ زاێد
بیلا کەس نەۊشێ شێرە گە هاکوو!
شێریْ مەریزێگ وە گەن گرتێە خوو
خووێ خراویْ شێرەگەی ئێران
هەوە قنگیْ رۊت هاتگەسە مەێدان
مەێدانی رووڵەی ، کوردو کوردستان
ئۊشن هەی شێر بەو ،دەیمەدە دەسان!
شێریش لە ترسا ڕیاسە خوەێەو
بۊەسە پشیێگ نیەزام لە کەێەو؟!
پشی قنگدەرەی ماڵ وە ماڵ گەردێ
تاگەر بێەنە پێ یەی نانیْ سەردێ
پشی مەریزێ ،سەدان دەرد دێرێ
خوەرەمیرەگرتێ هیچ نیەکەێ تێرێ!
تواێ هەدنیا گشتی قۊتا بەێ
لە بەهرو لە بەڕ، وە خوەی هساو کەێ
تازە یە وەرزێ دەڵ وە دەسانە
ئڕاێ پشیەگە هە ڕز بەسانە!
یە یش هەر کەسێ تیەێ ،مەنەێ وە کۊنێ
تا خاس بکپێ گاڵتەو چەتۊنێ!
داستانیْ شێرو پشی ئێرانە
کەس خەوەر نەێرێ یە چۊ وێرانە!
من وەتم پشی نەخوەشی دێرێ
کەفتگەسە هاڵیْ باپیرە شێرێ
یەیش جوور ئەژدادێ چماێ ئبنەیە
هەمراێ تک لەقەی هیچ کوردێ نەیە
دڵنیام رووژێ وە قنگێ دڕیاێ
رۊکەێدەو تەێران ،دی ئەودۊا ناێ
دی کونا مۊشیش ئەو دەس نەکەفێ
هە لەورە بۊنیم پفێ بخەفێ!
شێرو پشیەگەی ئێران هەر یە بۊن
داستانیْ هیزی پانەیل چەتۊن!!
سپاس بۆ برای ئازیزم کاك ''س ''
لە کرماشانەوە بۆ پێشکەش کردنی ئەم شێعرە جوانە کە بە حەق وڵامی پان ئێرانیستەکانە !!
شێعریگ وەک هەجو ،کە خۆی لایق بە هەموو ئێرانیەکی خۆ پەرەستە .
دووبارە سۆپاس و ریز بۆ برای خۆشەویستم کاك ''س '' کە ئەم شێعرەی پێشکەش کردین
هیچ نظری موجود نیست:
ارسال یک نظر